شباب تربية الفيوم

منتدى بنوتاتي لبنات تربية الفيوم

المواضيع الأخيرة

» مصطلحات الحب بالانجليزية
الجمعة أكتوبر 21, 2011 5:10 am من طرف zorro85

» مفاهيم شيقة في علم النفس
الجمعة مارس 11, 2011 4:18 pm من طرف friends for ever

» اعرفي اسمك .......
الجمعة مارس 11, 2011 9:10 am من طرف friends for ever

» سجل حضورك بالصلاة على المصطفى
الأربعاء مارس 09, 2011 2:30 pm من طرف friends for ever

» كيف نستقبل عاما جديدا؟؟
الأربعاء مارس 09, 2011 2:23 pm من طرف friends for ever

» توأم في بطن أم . واحد منهم أتولد . تخيلوا التاني عمل ايه ؟ مش هتصدقوا
الأربعاء مارس 09, 2011 2:10 pm من طرف friends for ever

» عصفور على غصن الحياة
الأربعاء مارس 09, 2011 2:05 pm من طرف friends for ever

» Le francais quebecois
الأربعاء مارس 09, 2011 2:02 pm من طرف friends for ever

» Laysa al gharib
الأربعاء مارس 09, 2011 1:56 pm من طرف friends for ever


    ايوة بغير (هشام الجخ)

    شاطر
    avatar
    AMORA
    Admin

    عدد المساهمات : 84
    نقاط : 225
    السٌّمعَة : 3
    تاريخ التسجيل : 12/11/2010
    العمر : 25

    ايوة بغير (هشام الجخ)

    مُساهمة  AMORA في الإثنين ديسمبر 06, 2010 11:15 am

    أيوة بغير


    لا انا نقصان ولا ضعفان
    ولا مسطول ولا سكران
    ولا زايغ من عيني الضيّ
    ولا حد احسن مني في شيّ
    بس بغير


    واللي قالولك غيرة الراجل قِلّة ثقة او قلة فَهم
    خَلْق حمير


    غيرة الراجل نار في مَرَاجِل
    نار بتنوّر مابتحرقش
    واحنا صعايدة بنستحملش
    شمسنا حامية وعِرْقنا حامي وطبعنا حامي
    واللي تخلّي صعيدي يحبها
    يبقى يا غُلْبها
    اصلنا ناس على قد الطيبة
    كلنا هيبة
    والنسوان في بلادنا جواهر
    طب لو عندك حتة ماس
    حتخلّيها مداس للناس؟؟
    ولا حتقفلي اوضة عليها بميت ترباس
    يمكن حتى تأجري ليها جوزين حراس
    يبقى انا لا انا جاهل ولا غافل
    كل الفرق ما بيني وبينك اني صعيدي


    لو كان بايدي
    كنت اعملك هندي بريش
    واقلب شعري كنيش كرابيش
    والبس لك سلسلة متدلدلة خرزة وقلب
    بس ازاي البس لك سلسلة ؟؟ هو انا كلب ؟؟


    ثم العبرة ماهيش في اللبس
    اصل المشكلة عَندك .. عٍندك ..
    قلت حاسيبها وبكرة تحس
    بعده تحس
    بعده تحس
    ده انا لو جبس كنت زعقت
    ماشي صداقة وماشي زمالة
    بس ماجَتْش على الرجالة


    ماهي نسوان الدنيا كتير
    وانا ما بقولش تخاصمي الناس
    ولا تِتْحِجبي عن الرجالة
    ولا تعتكفي وتسكني دير
    بس يا ريت حبة تقدير
    اني بحبك
    واني بريدك
    واني زرعت حياتي في ايدك
    واني غزلت بنات الدنيا عقود على جيدك
    واني تعبت من التفكير
    واني بغير


      الوقت/التاريخ الآن هو الأربعاء ديسمبر 13, 2017 11:53 am